Vrede, ’n rustige dorpie in die hart van die Oos-Vrystaat, word omring deur golwende heuwels en asemrowende hoëveld-uitlopers.
Met ’n bevolking van ongeveer 18 000 is hierdie unieke, versteekte juweel iets wat die inwoners wens meer Suid-Afrikaners eerstehands kon ervaar.
Die Vrede Padvat is ’n avontuur- en navigasie-rally wat jou aanmoedig om hierdie Januarie uit die stad te ontsnap en die skoonheid van die hoëveld en sy eindelose heuwels te kom beleef.
Die roete is ’n 150 km-rit op grondpaaie — oor brûe, deur modder en oor verskeie terreinuitdagings. Jy volg jou roetekaart, met geheime punte langs die pad wat as marshalpunte dien waar jy jou tyd moet laat aanteken. Aan die einde van die rally word al jou tye saamgevoeg om te bepaal wie met die titel van Vrede Padvat 4x4 King wegstap!
Die deelnemer wie se tyd die naaste aan die marshal-tyd is… WEN!
"Finding Inspiration in Every Turn"
ONS STORIE
Vrede is ’n belangrike landbousentrum in die Vrystaat, Suid-Afrika se broodmandjie. Die omgewing staan bekend vir sy produksie van mielies, koring, wol, bees- en suiwelboerdery, maar ook vir sy geskiedkundige geboue en pragtige natuurlandskappe.
Die Padvat is ’n navigasie-rally waar akkuraatheid belangriker is as spoed. Dit is ontwerp om deelnemers deur die mooiste dele van die Oos-Vrystaat te neem—langs stil plaaspaaie en minder bekende roetes wat die avontuur sélf deel van die pret maak. Die geleentheid vind elke jaar in Januarie plaas, wanneer die velde groen is, die somerreën alles laat blom het en die plaasvoëls volop is.
Die Vrede Padvat is ontstaan met ’n eenvoudige doel: om nuwe besoekers na die dorp te lok en sodoende ekonomiese voordeel vir die plaaslike gemeenskap te skep.
Net twee uur se ry van Johannesburg af, is die Padvat die perfekte kans om vir ’n dag uit die stad te ontsnap—én steeds betyds terug te wees voor donker. Registrasie begin om 08:00, waarna deelnemers ’n 5-uur (180 km) navigasie-roete aanpak. Halfpad wag daar ’n lekker middagete op die roete, en wanneer jy by die eindpunt terugkeer, word jy bederf met aandete, prysuitdeling en ’n kontantkroeg om weer vloeistofvlakke aan te vul!
​
Die fondse wat die Padvat inbring gaan direk na Avondvrede, die Ouetehuis in Vrede. Avondvrede het die afgelope paar jaar swaar gekry onder Suid-Afrika se ekonomiese druk, en die Padvat is juis geskep om ’n deel van hierdie las te help dra. Elke sent word gebruik om die ouetehuis te ondersteun—om daardie klein ekstra’s te voorsien wat die inwoners se daaglikse lewe net ’n bietjie ligter en vroliker maak.
​
Tydens registrasie ontvang elke span ’n roetekaart. Langs die pad sal daar 10 kontrolepunte wees met bordjies waar jy die presiese tye moet neerskryf wanneer jy verbykom. Die span wat die akkuraatste terugkeer—volgens die voorgestelde gemiddelde spoed—word gekroon as die Koning van die Padvat Rally 2026!
FAQS:
